قرض المقاول الذاتي 15000 درهم من البنك الشعبي

قرض المقاول الذاتي 15000 درهم من البنك الشعبي

السلام عليكم رمضان مبارك كريم اوالله يدخل عليكم بالصحة والسلامة والعافية.

الحلقة ديال اليوم غادي تكون على القرض ديال 15000 ,درهم اللي  خرج للمقاول الذاتي اللي تضرر من جائحة كرونا, او سطرو مزيان على اللي تضرر من هاد الجائحة.

المهم أول حاجة في البنك الشعبي هي نسبة القرض غادي تكون 50 في المائة  من نسبة الإقرار الضريبي… باش قلت ليكم سطرو مزيان على تضرر من الجائحة, راه المقاول الداتي خاصو يكون خدام او تيصرح كل 3 أشهر.

شنو تتعني 50 في المائة من الاقرر الضريبي .

يعني صرحت ب 10000 درهم غادي يخرج ليك 5000 درهم او متلا صرحت 20000 غادي تخرج ليك 10000 او الحد الأعلى ف الكريدي هو 15000

تانيا

 تجيب الإقرار الضريبي إما ديال الربع السنوي الرابع ديال 2019

او الربع السنوي اللول ديال 2020.

 يعني الناس اللي تيديكلاريو ب 0 او اللي عاد خداو لاكارط راه مغادي يستفدو ب والو.

تالت حاجة هي يكون عندك كونط ديال المقاول الداتي في البنك اللي باغي كريدي من عندو.

او التمن ديالو هو 180 درهم في العام.

الحاجة الرابعة او اللي تيقلب عليها كولشي هي الكريدي غادي يكون ب 0 في المائة, يعني الي خديتيه غادي ترجعو من غير واحد 100 درهم  تخلصها.  ديك 100 درهم غادي تمشي ل س س ج أو حتى المصاريف ديال الضوسي فابور.

أما بالنسبة للوقت.. راه غادي يعطيوك عام خاوي متخلص فيه والو او من بعد غادي تبدا تخلص الكريدي ديالك على مدة ديال 3 سنوات.

او واحد الحاجة اللي تتروج هاد الأيام تيقولو بلي هاد الكريدي غادي يأتر على دعم المقاولات  بالنسبة لأي واحد كان دافع للدعم .

 سولت في البنك او أكدولي باللي هاد الكريدي معندو حتى شي علاقة  بالدعم.

بقا دبا غير شنو هما الوراق اللي غادي يخصونا.

اول حاجة طلب القرض.

فوطوكوبي ديال لاكارط ناسيونال .

فوطوكوبي ديال بطاقة المقاول الداتي .

او أخر إقرر ضريبي ديالك إما 3 أشهر الأخيرة ديال 2019 او 3 أشهر الاولا ديال 2020.

 للتدكير راه هاد الكريدي بلا ضمانات.

 

شارك هذا المنشور