قبل متشري طوموبيل تفرج فهاد الفيديو

السلام عليكم

حنا دبا فأواخر شهر نونبر ومقبلين على بداية شهر دجنبر وأي واحد عندو طموبيل تيعرف شهر 12 فيه فاش تتبدا تخلص الضريبة على السيارة. ولي بغا يعرف كيفاش يدير باش يخلص الضريبة رخيصة شوية هاهو الفيديو.

كيفاش نخلص الضريبة على السيارة بأقل ثمن la vignette https://youtu.be/eH-0JI3C55k

أما الحلقة ديال اليوم غادي تكون على النصب اللي تيوقعو فيه بزاف ديال الناس فاش تيشريو طموبيل قديمة .

بزاف ديال الناس كايبغيو يشريو طموبيل و كايجيو باش يخلصو الضريبة الأخيرة ديال السيارة

 ولا كايبغيو يشوفو واش فعلا تخلصو الضرائب ديالها وكايلقاو بلي الضريبة ممخلصاش أو مجموعة ديال الضرائب مزال متخلصات .

و فهاد الحالة الضرائب المجموعة و لي كايتزاد فيهم مصاريف التأخير ودعائر أخرى ممكن توصل ف 5 سنوات ل 10000 درهم بالنسبة لسيارة ديال 8 الخيل .

أما لي كايشري وكايشد الوثيقة المزورة وكايخدم بيها حيت ماعارفش، فهادو كثار بزاف.

المشكل فإلى تشد الشاري واكتشف الدركي أولا الشرطي بلي الوثيقة مزوّرة، غادي تكون كارثة حقيقية حيت غادي اتهموه بالتزوير.. وميمكنش المشتري اثبت بلي البائع لي زوّرها, حيت معندو حتى دليل, وفهاد الحالة القانون لا يحمي المغفلين.

داكشي لاش قبل متشري خاصك تسول على راسك فأي بنك او وكالة تتقطع فيها الضريبة.

أو ممكن تدخل تشوف لراسك من التلفون او الحاسوب فالموقع الرسمي ديال الضريبة واللي غانوريكم دبا وغادي تلقاوه تحت الفيديو.

https://www.vignette.ma/attestTsava/consulterTSAVA.do?method=acceuil

شارك هذا المنشور